Fankalazana ny Andro Iraisam-pirenena ho an'ny vehivavy
Tsy diso anjara tamin’ny fankalazana ny 08 martsa andro iraisam-pirenena ho an’ny vehivavy ny vadin’ny Tafika sy Zandary miasa eo anivon’ny Ministeran’ny Foloalindahy izay notarihin’ny vadin’ny Minisitra, Ramatoa RAKOTONANDRASANA Elysée sy ny vadin’ny Sekretera jeneralin’ny Ministeran’ny Foloalindahy Ramatoa ANDRIAMAHARO Sendra. Fanatanjahan-tena samy hafa no nanombohana ny fotoana ny maraina. Avy eo dia nizara roa ny mpandray anjara ny iray voalohany tarihin’ vadin’ny Minisitry ny Foloalindahy nihazo an’i Malacam toerana nankalazana ny andron’ny 08 martsa teto Antananarivo izay teo ambany fitarihan’ny vadin’ny Filohan’ny Fahefana Avon’ny Tetezamita Ramatoa Mialy Rajoelina. Ny faharoa indray dia nitsidika ny trano fiterahana tao amin’ny Hopitaly miaramila eny Soavinandriana izay notarihin’ny, vadin’ny Sekretera jeneraly ary nanomezan’izy ireo rom-patsa hoan’ireo mpiteraka sy solon-dranom-boakazo hoan’ireo Reny tsy salama. Taorian’izay dia niara-nisakafo sy nikorana tao amin’ny Cercle Messe Betongolo izy ireo. Namaranana ny fotoana ny fitsidihana an’ireo vaehivavy voafonja tetsy Antanimora izay nanomezana vary 2 gony sy kojakoja-mbamin’ny lamba fitafy narahana teny fahankaherezana hoan’ireto vehivavy voa fonja ireto sy fiarahabana azy ireo tatry ny andro iraisam-pirenena ho an’ny vehivavy .
