Créée en 1923, la Sekoly Miaramilam-Pirenena - SEMIPI Fianarantsoa célèbre son 89 anniversaire cette année. C'est en effet le vendredi 25 mai 2012 que le commandement de cette école d'enfants de troupe a convié les autorités civiles et militaires ainsi que les anciens enfants de troupe - AET,  à honorer de leur présence à la cérémonie de baptême de la promotion "FANIRY" composant les 65 nouveaux élèves de la classe de seconde, un événement qui comme chaque 25 mai de l'année marque l'anniversaire de l'école. Avant sa dénomination actuelle, cette école a déjà revêtu d'autres patronymes comme "Ecole des Enfants de Troupe", "Ecole Militaire Préparatoire de Madagascar", "Ecole Supérieure d'Education Physique" et "Sekoly Fiomanana ho Miaramila". L'Ecole Préparatoire a été créée en 1994 au sein de la SEMIPI pour préparer les enfants de troupe bacheliers qui suivent leurs études universitaires en vue de leurs futures orientations soit à l'Académie Militaire d'Antsirabe, soit dans les Ecoles Militaires à l'étranger.

Ny zoma faha 25 mey 2012 lasa teo no nankalazaina tao Fianarantsoa ny fitsingerenan’ny faha 89 taonan’ny Sekoly Miaramilam-Pirenena (SEMIPI) ao Fianarantsoa . Lanonana roa sosona no notanterahina dia ny fanolorana ho eo ambany faneva sy fitsofan-drano na Batemy  ireo andiana  mpianantra vaovao  ao amin’ny killasy faharoa izay miisa 65 ho amin’ny taom-pianarana 2011- 2012. “FANIRY” no anarana nampitondraina ireto andiana mpianatra ireto.Rehefa nahavita ny fiofanana fototra sy nanaraka ny fitaizana ho miaramila-kely nandritry ny sivy volana teo ho eo ireo zatovolahy ireo dia nahafeno ny fepetra rehetra ka naseho ambany fanevan’ny Sekoly toy ireo rehetra miditra ho miaramila. Mampiavaka azy ireo anefa ny maha miaramila-kely (Enfants de Troupe) azy ireo izay sady manaraka ny fiofanana sy ny fiainana ara-miaramila ary koa manaraka ny fiofanana sy ny fandaharam-pianarana kilasy faharoa ankapobeny na (enseignement général). Ny andron’ny 25 mai dia andron’ny miaramila-kely koa mandritra io andro io no anaovana  Batemy ireo mpianatra zandriny indrindra ka ny mpianatra zokiny indrindra ao amin’ny kilasy famaranana no manao ny fitsofan-drano ireo zandriny ary ny Lehiben’ny Etamazaoro Jeneralin’ny Tafika Malagasy no manome ny anarana izay hosaloran’ity andiany indray mihira atao Batemy ity araka ny fomba amam-panao ao amin’ny Sekoly Miaramilam-pirenena hatramin’ny nanorenana tamin’ny 1923 ity sekoly miaramila anisan’ny ela indrindra eto amin’ny firenena ity. An’arivony ny mpianatra nivoaka tao amin’ity Sekoly ao Fianarantsoa ity. Anisan’ny andraikitra sahanin’ny sekoly ny fanofanana olom-pirenena vanona, sy manamboninahitra ho an’ny Foloalindahy ary ho an’ny seha-panjakana rehetra ka tsy vitsy amin’izy ireo no mitana sy efa nitana andraikitra ambony teto amin’ny Firenena. Hatramin’ny niorenany dia ireto avy ny anarana nosalorany : «  Ecole des enfants de troupe », « Ecole Militaire Préparatoire de Madagascar », « Ecole Supérieur d’Education Physique », « Sekoly Fiomanana ho Miaramila ». Ny taona 1994 dia naorina tao amin’ny SEMIPI ny « Ecole préparatoire » izay manofana ny mpianatra manana Baccalauréat hiditra amin’ireo Sekoly miaramila ambony fanofanana manamboninahitra toy ny Akademia Miaramila ao Antsirabe na koa ho any amin’ireo sekoly miaramila ambony any ivelany.

Nitarika ny lanonana tany an-toerana, ny Jeneraly NDRIARIJAONA André, notronin’ireo manamboninahitra miaramila sy sivily , izay nahitana ny lehiben’ny faritra Matsiatra ambony, ireo mpikambana ao amin’ny CST sy CT avy any an-toerana. Taorian’ny io lanonana io dia nisy ny fanolorana farafara vy miaraka amin’ny kidoro eponge, izay fanomezana avy amin-dRamatoa Clautilde NDRIARIJAONA, Vadin’ny lehiben’ny Etamazaoro Jeneralin’ny Tafika, hanampiana ireo izay efa misy ao an-toerana ho an’ny toeram-pitsaboana miaramila  (Infirmerie Militaire) ao Fianarantsoa. Alim-pandihizana no namaranana ny lanonana, izay nokarakarain’ny vady miaramila tao amin’ny Sekoly Miaramilam-Pirenena ho fitadiavam-bola entina manatanteraka ny asa sosialy.

 

Service de l’Information et de la Communication de l’Armée (S.I.C.A.)